განათლება

პეტრას ციხეზე დედაენის დღისადმი მიძღვნილი ღონისძიება ჩატარდა

20 აპრილს პეტრას ციხეზე დედაენის დღისადმი მიძღვნილი ღონისძიება ჩატარდა, რაიონის სხვადასხვა სკოლის მოსწავლეებმა კალიგრაფიის კონკურსში „ვეფხისტყაოსანის“ გადაწერაში მიიღეს მონაწილეობა, მათი ნამუშევრები კომპეტენტური ჟიურის მიერ შეფასდა .

კონკურსის შედეგად საპრიზო ადგილზე გასულ მოსწავლეებს სიგელები და სასაჩუქრე ბარათები, ხოლო ათ საუკეთესო მოსწავლეს „ვეფხისტყაოსნის“ პოემა გადაეცათ. შეკრებილ სტუმრებს თეატრალურმა კლუბმა „სხვენმა“ პოემის მიხედვით ლიტერატურულ-მხატვრული კომპოზიცია წარმოუდგინა, სტუმრებმა და პედაგოგებმა წაიკითხეს ამონარიდები მსოფლიო შედევრიდან.

ღონისძიება გამგეობის განათლების განყოფილებისა და ქობულეთის კულტურის ცენტრის ორგანიზებით გაიმართა.